نكتب ولية ولمين ... للشاعر/طارق عمران

قصيدة للشاعر/طارق عمران

نكتب ولية ولمين


بيقول وحيد الكلام

- نكتب عشان مانموتش -

ولمين ياصاحبى نعيش

هو الكلام ياوحيد

لما بيصبح اسير

اية ينفعة م الريش

اسكت وماتقولشى

خليك سجين صمتك

واقفل بيبانك عليك

واوعاك من العفاريت

تندة تمد ايديك

وف لحظة ماتبقاش

ولايبقى ليك حاجة

وتضيع ياصاحبى بلاش

اهين من الفرقة

وتلاتة م الحرقة

والباقى م الاحزان

اللى ملازمانى

ولازقة فوق كتفى

ومعششة جوة

لاحول ولا قوة

ياعم يافتوة

داللى بيجرحكوا

جارحنى من جوة

هى وكمان هوة

بينهم ياناس هوة

قد السما والارض

نازلة عليهم فرض

لجل الجميع والفرد

لا طول لها ولا عرض

اضحك وعيش يا قرد

رتل لنا فى الورد

لا تخاف مرارة صعب

ولا لسعتك م البرد

خلى حروفك سيوف

واوعاك تسالم ندل

لحسن فى لحظة امان

هيقيم عليك الحد

شعر / طارق عمران

مهداة للصديق الشاعر / وحيد امين --بنها ---
الحقوق محفوظة للمؤلف